نعلن مرشحينا للانتخابات البلدية في زحلة وصغبين ومشغرة
اعلنت حركة “مواطنون ومواطنات في دولة” اليوم مرشحيها للانتخابات البلدية عن زحلة وصغبين ومشغرة وهم:
واعلنت الحركة مرشحيها خلال جولة ببوسطة “مواطنون ومواطنات في دولة” في زحلة وصغبين, جاءت بعد جولة لثلاثة ايام في محافظة بيروت وجولة في مدينة بعلبك وستستكمل البوسطة جولتها على كافة المحافظات اللبنانية فيما بعد.
ابتدأت بوسطة “مواطنون ومواطنات في دولة” جولتها من صغبين حيث التقى اعضاء الحركة اهالي صغبين ووقفوا عند اوجاعهم وهمومهم, وانتقلت فيما بعد الى مدخل مدينة زحلة,محطة القطار حيث القت المرشحة اليسار سماحة كلمة سلطت الضوء فيها على التواصل بين زحلة ومحيطها القريب والبعيد وازمة الصناعة.
وتوقفت البوسطة عند ساحة الفحم,وتطرقت الحركة الى واقع التجارة وتغيير نمط الحياة والتسوق في المدينة .
ولم تغفل حركة “مواطنون ومواطنات في دولة” عن أزمة المياه حيث توقفت في البردوني عارضة أزمتي شحّ المياه والتلوث.
واختتمت الحركة جولتها في زحلة باعلان مرشحيها الثلاثة في فندق “مونتي ألبرتو”,وكان لقاء بعنوان “مواطنون ومواطنات في البقاع لبناء دولة مدنية ديمقراطية عادلة وقادرة” شارك فيه غادة غانم غناء,كما نظمت الحركة جلسة حوارية مع المهندسة اليسار سماحة والدكتور شربل نحاس والاستاذة غادة غانم والاستاذ نصري الصايغ. وهذه نصوص الكلمات.
كلمة المرشحة اليسار سماحة
يمكن كتار عم يسألو ليش مهندسة صبية عمرا ٢٨ سنة قررت تكرِّس جزء كبير من وقتا و جهدا لتخوض معركة انتخابات بلدية، بوقت المرشحين التانيين لوايح و احزاب و اموال و خبرة سياسية؟
أنا اليوم حابّي خبِّر أهلي بزحلة إنّي أخدت هالخيار الصعب لأني مهندسة، يعني بتعامل مع الوقايع وما فيي أنأى بنفسي عن مشاكل زحلة ومحيطها ومحيط لبنان. ، ولأني بأول عمري و عم فكر بمستقبلي ومستقبل شباب وصبايا زحلة، ولأني بعرف إنو الطريق اللي اخترتو طويل وصعب، بس بعرف كمان إنو بلدنا إلو سنين طويلة عم بيعاني، واذا ما عملنا شي معاناتو و معانتنا رح تزيد.
يمكن في ناس تقول البلدية شو بتغيّر؟
البلدية بتغيّر كتير.
عودونا إنو البلدية يعني شوية زفت قبل الانتخابات، وارصفة و لمبات بالشوارع
بس البلدية دورها اكبر بكتير
القانون بيقول انو المجلس البلدي هوي سلطة شرعية منتخبة من الناس لتتدخل بكل شي إلو علاقة بالشأن العام أو بالمنفعة العامة
يعني البلدية إلها علاقة بالسكن و بالعمل و بالصحة و بالأمن و بالتعليم و بكل الخدمات العامة، حتى بالأمور المسؤولة عنها الوزارات، مسؤولية البلدية مراقبة عمل الوزارات و حماية الناس من الاهمال والفساد
نحنا بحركة”مواطنون و مواطنات في دولة” هيك منشوف العمل البلدي
منشوفو كبير لأنو حلمنا كبير و طموحنا كبير إنو تصير البلديات فاعلة و مفيدة للناس، على مساحة الوطن، و زحلةمش ممكن تكون غايبة لما مواطنين و مواطنات من كل لبنان بيجتمعوا لبناء دولة مدنيةديموقراطية عادلة و قادرة بلبنا
انا، اليسار سماحة، من زحلة، مرشحة على عضوية المجلس البلدي بزحلة، بلايحة كبيرة على مساحة كل لبنان، مع “مواطنين و مواطنات في دولة”
كلمة المرشحة غادة غانم
- حوار بين مواطنين لبنانيين، واحد بدّه يفلّ والتاني بدّه يضلّ بالبلد –
١- مش طايق شي ومش طايق حدا بالبلد… خَلص، بطّل البلد لإلنا! قوم ضَبضِب حالك وتعا فلّ معي عجّل!!
٢- شو؟ لَوَين رايح؟
١- ع حيالله بلد بياخدنا!! ما بقى تفرق معي! وين م كان أحسن من هون!
٢- شو هالحكي هيدا؟ يعني إنتَ عم تِستَسلِم وعم تقبل بكل شي غلط يضلّه ماشي وحاكم بأمرنا!!!!؟
١- أنا مش بس استسلمت… انا صرت مقتنع إنو ما حدا فيه يغيّر شي بالبلد!!! الكل متفق إنو في شي غلط بس ما حدا عم يطلع بإيده يعمل شي!!
نزلنا ع الشوارع وشفنا مين انتبهلنا!! يا خَيّ مش شايفينّا هنّي!!! صايرين مرسَّخين بمقاعدهم وما في قوة تزيحهم! قوم مشّي معي وتعا نتركلهم ياه لـٓ هالبلد!
٢- بِهَيدا الحكي عم بتقدّملهم البلد هديّة لكذا سنة لـَ قِدّام!! هيك بدّك؟ انا بفكّر إنو موازين القوى ما بتتغيّر لحالها من دون م نحنا المواطنين نقول كلمتنا! ومش مظبوط إنو نحنا ما حدا شايفنا!!! شايفينّا كتير منيح وعم يلعبوها بِـ ذكا… نحنا أكتر منهم بكتير وصار عددنا بالبيوت عم بيزيد كل يوم أكتر من يوم! للأسف لا القعدة بالبيوت ولا الهجرة هِنّي الحل! ما في عصا سحرية تغيّر الأحوال!!!
بدنا نغيّر الحالة؟ ما في إلا كلنا نقول كلمتنا وما نخاف! هنّي اللي خايفين ع حياتهم مش نحنا!
١- دخيلَك تركني والله يوَفقك! صوتَك رح بيكون لحاله بالصحرا، صدّقني!
٢- انا عشت برّا وقرّرت إرجع عيش بالبلد! البلد بْيِنما بِـ ولاده! نحنا البلد ونحنا اللي منعمل البلد بيِشبهنا… بس بدنا نآمِن!!
ما بعرف كيف بيروحوا هالناس ع الكنيسة وع الجامع وبيصلّوا، وبذات الوقت ما عندهم إيمان!! فيك تفسّرلي وين راح إيمانهم؟
وليش أنا إيماني ساطع!؟
كلمة المرشح نصري الصايغ
اكد نصري الصايغ اننا نعيش في صندوق, وعلينا تطويق هذا الصندوق من خلال الانخراط بحركة سياسية عابرة للطوائف وقوية بما يكفي للمواجهة والعمل.
واشار الى انه اقدم على الترشح لأنه يريد لمدينته ان تحيا من جديد مستعينا بمثل من بولونيا عندما قرر موسيقي ان يعزف دوما من اجل اسعاد مدينته, وبعد فترة اصبح يعزف وحيدا من دون ان يجد من يسمعه فاستغرب رجلا وسأله عن الهدف من استمراره في العزف فقال لن ادع شيئا
يغيرني ويثنيني عن هدفي.مؤكدا ان هدفه من الترشح هو اعادة الزخم لمدينته مشغرة واعادة تشجيع المزارعين على الاهتمام بأرضهم.
بيان صحفي من حركة “مواطنون و مواطنات في دولة” / زحلة ، 30 نيسان 2016
